سعودی وزارت محنت نے مزید 7 شعبوں میں غیر ملکیوں کے کام کرنے پر پابندی عائد کردی ہے۔
سعودی میڈیا کے مطابق وزارتِ محنت کی جانب سے جاری کردہ اعلان میں کہا گیا ہے کہ گاڑیاں اٹھانے والی ونچ ڈرائیور ، انفرادی منی ٹرک ، متوسط لوڈنگ گاڑیاں، لاجسٹک سروسز ( سامان منتقل کرنے والے ادارے ) اور ڈاک انٹری کلرک کے عہدوں پر غیر ملکی ملازمت کے اہل نہیں ہوں گے۔ یہ شعبے سعودیوں کےلئے مخصوص کر دیئے گئے ہیں جن پر عمل درآمد جلد اور مرحلہ وار کیا جائے گا۔
اس سے قبل 5 پیشے جن میں انشورنس کمپنی کے ذیلی دفاتر ، گرلز ایجوکیشن کے تمام مراحل ، مالز اور ان میں قائم تجارتی مراکز اور دکانیں ، ٹریول اینڈ ٹورازم ، قومی فلاحی تنظیمیں شامل ہیں، مذکورہ اداروں میں ریجن میں پہلے ہی غیر ملکیوں پر کام کرنے کی پابندی لگائی گئی تھی۔
دوسرے مرحلے کا آغاز یکم رجب 1440 ہجری سے کیاجائے گا جس میں ٹریول اینڈ ٹورازم اور شاپنگ مالز میں دکانوں اور اسٹالز پر کام کرنے والا عملہ شامل ہے۔
تیسرا مرحلے کا آغازیکم شعبان 1440 ہجری سے کیاجائے گا جس میں انشورنس کے ادارے اور ذیلی دفاتر میں کام کرنے والے کلرک اور دیگر عملہ، ڈاک خانوں کے ذیلی دفاتر میں سعودائزیشن کی جائے گی۔
مزید بتایا گیا ہے کہ سعودیوں کےلئے مخصوص پیشوں پر کام کرنے والے غیر ملکی اور انہیں روزگار کی سہولت فراہم کرنے والوں کے خلاف سخت تادیبی کارروائی کی جائے گی ۔
