ملک بھر میں سونے کی فی تولہ قیمت میں 11 سو روپے کا اضافہ ریکارڈ کیا گیا ہے۔
صرافہ مارکیٹ میں سونے کی فی تولہ قیمت میں 1100 روپے کا اضافے کے بعد سونا 2 لاکھ 14 ہزار 300 روپے فی تولہ ہوگیا۔ چاندی کی فی تولہ قیمت 2 ہزار 550 روپے پر مستحکم رہی۔
اسی طرح 10 گرام سونے کی قیمت میں 943 روپے کا اضافہ ہوا ہے جس کے بعد 10 گرام سونا 1 لاکھ 83 ہزار 728 روپے پر پہنچ گیا۔
دوسری طرف عالمی مارکیٹ میں بھی سونا 8 ڈالر کے اضافے سے 2042 ڈالر فی اونس کا ہوگیا۔
