محکمہ موسمیات کے مطابق آج ملک کے بیشتر علاقوں میں موسم خشک جبکہ شمالی علاقوں میں سرد رہے گا تاہم بالائی سندھ اور پنجاب کے میدانی علاقوں میں صبح کے وقت ہلکی دھند پڑنے کا بھی امکان ہے۔
وفاقی دارالحکومت اسلام آباد میں منگل کے روز موسم خشک اور سرد رہے گا۔ صبح کے وقت شہر کا درجہ حرارت 15 ڈگری سینٹی گریڈ ریکارڈ کیا گیا جس میں زیادہ سے زیادہ 6 درجے اضافے کا امکان ہے۔
صوبہ سندھ کے بیشتر اضلاع میں آج موسم خشک رہے گا تاہم بالائی سندھ کے بعض اضلاع میں صبح کے اوقات میں دھند پڑسکتی ہے۔
کراچی کا موسم آئندہ 24 گھنٹوں کے دوران جزوی ابرآلود رہے گا۔ شہر میں رات اور صبح کے اوقات میں خنکی بڑھنے لگی ہے۔ آج کم سے کم درجہ حرارت 17 ڈگری سینٹی گریڈ اور زیادہ سے زیادہ 30 تک جانے کا اندیشہ ہے۔
محکمہ موسمیات کے مطابق بلوچستان اور پنجاب کے بیشتر اضلاع میں موسم خشک اور سرد رہے گا تاہم پنجاب کے بعض میدانی علاقوں میں دھند پڑ سکتی ہے۔ خیبرپختونخوا، کشمیر اور گلگت بلتستان میں بھی آج موسم خشک رہنے گا۔
گزشتہ 24 گھنٹوں کے دوران ملک کے زیادہ تر علاقوں میں موسم خشک اور سرد رہا۔ سب سے زیادہ سردی قلات میں پڑی جہاں کا درجہ حرارت منفی 3 ریکارڈ کیا گیا۔
