پاکستان اور بنگلادیش کے خلاف سہہ ملکی سیریز میں نیوزی لینڈ تمام 15 کھلاڑیوں کو موقع دیتے ہوئے روٹیشن پالیسی اپنائے گا۔
اس حوالے سے نیوزی لینڈ کا کہنا ہے کہ اوپنر فن ایلن، مارٹن گپٹل اور ڈیون کانوے کی کارکردگی پر فوکس ہوگا، رزلٹ کو سامنے رکھتے ہوئے روٹیشن پالیسی پر عمل کیا جائے گا۔
نیوزی لینڈ کرکٹ ٹیم کے سلیکٹر گیون لارسن نے کہا ہے کہ روٹیشن پالیسی کا مقصد یہی ہے کہ سب کھلاڑیوں کو موقع ملے اور انہیں دیکھا جاسکے۔
انہوں نے کہا کہ ٹی ٹوئنٹی ورلڈ کپ سے قبل سہہ ملکی سیریز بڑی اہمیت رکھتی ہے۔
بنگلا دیش کے کپتان شکیب الحسن اور بولنگ کوچ ایلن ڈونلڈ کی نیوزی لینڈ آمد تاخیر کا شکار ہے۔
شکیب الحسن کا سیریز کا پہلے میچ مس کرنے کا امکان ظاہر کیا جارہا ہے۔
پاکستان، نیوزی لینڈ اور بنگلادیش کے درمیان سہہ ملکی ٹی ٹوئنٹی سیریز 7 سے 14 اکتوبر تک کرائسٹ چرچ میں کھیلی جائے گی۔
