کراچی سابق صدر آصف زرداری کا کہنا ہے کہ آئندہ حکومت پیپلزپارٹی کی ہوگی کیونکہ مسائل کا حل صرف پیپلزپارٹی کے پاس ہے۔
تفصیلات کے مطابق پاکستان پیپلز پارٹی کے شریک چیئرمین آصف علی زرداری سے پیپلزپارٹی کےسینئررہنماؤں کی ملاقات ہوئی ، ملاقات میں عام انتخابات اور سندھ میں آئندہ کی سیاسی حکمت عملی پر غور کیا گیا۔
ملاقات میں پنجاب اور خیبرپختونخوا میں زیادہ نشستیں حاصل کرنے پر گفتگو کی گئی۔
آصف زرداری نے پارٹی رہنماؤں سے گفتگو کرتے ہوئے کہا کہ آئندہ حکومت پیپلز پارٹی کی ہوگی ، مسائل کاحل صرف پیپلزپارٹی کےپاس ہے۔
پاکستان پیپلز پارٹی کے شریک چیئرمین کا کہنا تھا کہ سندھ میں تو پیپلزپارٹی کامقابلہ نہیں ہے، ہماری توجہ پنجاب ،خیبرپختونخوا،بلوچستان پرہونی چاہیے۔
پارٹی رہنماؤں نے کہا کہ پی پی نےپنجاب میں سیاسی حکمت عملی تیارکی ہے، نتائج پہلے سے مختلف ہوں گے۔
