پاکستان سُپر لیگ (پی ایس ایل) کے نویں ایڈیشن میں کراچی کنگز کے خلاف کوئٹہ گلیڈی ایٹرز کی بیٹنگ جاری ہے۔
پی ایس ایل 9 میں آج کنگز اور گلیڈی ایٹرز کی ٹیمیں راولپنڈی کرکٹر اسٹیڈیم میں مدِ مقابل ہیں۔ کراچی کنگز نے ٹاس جیت کر پہلے کوئٹہ گلیڈی ایٹرز کو بیٹنگ کی دعوت دی۔
کوئٹہ گلیڈی ایٹرز کے اوپننگ بلے باز لمبی شراکت داری قائم نہ کرسکے، جیسن روئے 15 اور نائب کپتان شعود شکیل 33 رنز بنا کر پویلین لوٹے۔ نوجوان بلے باز خواجہ نافے صرف 17 رنز ہی بنا سکے۔
کراچی کنگز کی طرف سے حسن علی نے 2 جبکہ مزاربانی اور زاہد محمود نے 1،1 وکٹ حاصل کی۔
خیال رہے کہ پی ایس ایل 9 میں آج راولپنڈی اسٹیڈیم میں دو میچز کھیلے جانے ہیں۔ دوسرا میچ اسلام آباد یونائٹیڈ اور لاہور قلندرز کے درمیان شام 7 بجے کھیلا جائے گا۔
