بنگلہ دیش کرکٹ ٹیم کے سابق کپتان تمیم اقبال کی انجیو پلاسٹی کر دی گئی.
تمیم اقبال گزشتہ روز دوران میچ دل کا دورہ پڑا تھا۔بنگلہ دیشی میڈیا کے مطابق بنگلہ دیش کرکٹ ٹیم کے سابق کپتان تمیم اقبال جنہیں گزشتہ روز ڈھاکا پریمیئر لیگ کے میچ میں فیلڈنگ کرتے ہوئے دل کا دورہ پڑا تھا، ان کی اسپتال میں انجیو پلاسٹی کر دی گئی ہے۔
رپورٹ کے مطابق تمیم اقبال کو انجیو پلاسٹی کے بعد انتہائی نگہداشت کے وارڈ میں منتقل کر دیا گیا ہے۔ تمیم اقبال کی طبیعت بہتر ہونے لگی۔بنگلادیشی میڈیا کے مطابق تمیم اقبال انتہائی نگہداشت کے یونٹ میں ہیں اور اب ریکوری کی جانب بڑھ رہے ہیں، اگلے 24 گھنٹے اب بھی اہم ہیں۔تمیم اقبال ڈینجر زون سے نکل چکے، انہوں نے گزشتہ شب فیملی ممبر کے سہارے ہلکی موومنٹ بھی کی تھی، ان کا حکومتی سطح پر بھی خیال رکھا جا رہا ہے۔
بنگلادیشی میڈیا کے مطابق اگر کوئی پیچیدگی نہ ہوئی تو اگلے 24 گھنٹوں میں تمیم مزید بہتر ہوں گے، وہ گراؤنڈ میں ہی کوما میں چلے گئے تھے، سپورٹ اسٹاف نے ان کا سی پی آر کیا تھا۔یاد رہے کہ تمیم اقبال کو گزشتہ روز ڈھاکا پریمیئر لیگ کے میچ کے دوران دل کا دورہ پڑا تھا جس کے بعد ایمرجنسی میں مقامی اسپتال میں ان کی انجیو پلاسٹی کی گئی تھی۔
