بھارت نے ایشیا کپ کے بعد اب آئی سی سی ویمن ورلڈ کپ کو بھی سیاست کی نذر کرنے کا منصوبہ بنا لیا ہے۔ بھارتی صحافی بوریا مجمدار نے سوشل میڈیا پر لکھا کہ ایشیا کپ میں جو سلسلہ شروع ہوا تھا وہ ویمن ورلڈ کپ میں بھی جاری رہے گا، فرق صرف یہ ہوگا کہ اب مردوں کے بجائے خواتین کے مقابلے ہوں گے۔
بھارتی صحافی نے مزید کہا کہ ویمن ورلڈ کپ میں پاک بھارت میچ کے دوران بھی وہی صورتحال دیکھنے کو ملے گی جو ایشیا کپ میں دیکھنے میں آئی۔ ان کے مطابق، اس بار بھی کھلاڑی ایک دوسرے سے ہاتھ نہیں ملائیں گے۔
خیال رہے کہ حال ہی میں ہونے والے ایشیا کپ کو بھی بھارت نے سیاست میں الجھانے کی کوشش کی تھی۔ ٹورنامنٹ کے دوران بھارتی کھلاڑیوں نے پاکستان کے کھلاڑیوں سے ہاتھ ملانے سے گریز کیا تھا۔
مزید برآں، ایشیا کپ کا فائنل جیتنے کے باوجود بھارتی کپتان نے ٹرافی لینے کے لیے ایشین کرکٹ کونسل کے چیئرمین کے پاس جانے سے بھی انکار کیا اور روایت کے برخلاف ٹرافی وصول نہیں کی۔
