عالمی عدالت انصاف میں بھارتی جاسوس کلبھوشن جادیو کیس کی سماعت آج پھر ہوگی۔ پاکستانی وکیل آج اپنی دلائل پیش کریں گے۔
جرمنی کے شہر دی ہیگ میں گزشتہ روز بھارتی وکیل نے عالمی عدالت انصاف میں کلبھوشن یادیو سے متعلق دلائل دیے۔
بھارتی دلائل پر پاکستان کی جانب سے آج کلبھوشن کی تخریب کاری سے متعلق شواہد پیش کیے جائیں گے۔
ترجمان دفتر خارجہ کے مطابق بھارت وضاحت پیش نہ کر سکا کہ کلبھوشن جادیو کو پاسپورٹ کیسے ملا اور وہ اس پاسپورٹ پر 17 مرتبہ دہلی کیسے گیا۔
مزید پڑھیں : کلبھوشن یادیو کے کیس کی آخری سماعت آج سے عالمی عدالت میں شروع ہوگی
یاد رہے کہ بھارت کو 20 فروری کو اپنا مؤقف دوبار ہ پیش کرنے کا موقع دیا جائے گا اور پھر پاکستان 21 فروری کو اپنے حتمی دلائل پیش کرے گا۔
بھارتی خفیہ ایجنسی ‘را’ کے جاسوس کلبھوشن جادیو کو 3 مارچ 2016 کو بلوچستان سے گرفتار کیا گیا تھا۔
کلبھوشن پر پاکستان میں دہشت گردی اور جاسوسی کے سنگین الزامات ہیں اور بھارتی جاسوس تمام الزامات کا مجسٹریٹ کے سامنے اعتراف بھی کر چکا ہے۔
10 اپریل 2017 کو کلبھوشن یادیو کو جاسوسی اور کراچی بلوچستان میں تخریبی کارروائیوں میں ملوث ہونے پر سزائے موت سنانے کا اعلان کیا گیا تھا۔
تاہم بھارت نے کلبھوشن جادیو کی سزائے موت کو عالمی ثالثی عدالت (آئی سی جے) میں چیلنج کرتے ہوئے سزا پر عمل درآمد رکوانے کی اپیل کی تھی۔
عالمی عدالت نے کلبھوشن کی سزائے موت کے خلاف بھارت کی درخواست پر فیصلہ سناتے ہوئے کہا تھا کہ حتمی فیصلہ آنے تک کلبھوشن کو پھانسی نہیں دی جاسکتی۔
