ڈیرہ غازی خان کے قبائلی علاقے پھگلہ میں سولر پینل چوری کا الزام ثابت ہونے پر ایک شخص کو علاقہ بدر کرنے کا حکم دے دیا گیا۔ ذرائع کے مطابق پھگلہ کی مقامی روایت اور رسم آس کے تحت جرگہ بلایا گیا تھا۔
ذرائع نے بتایا کہ جرگے نے فیصلہ دیا اگر ملزم واقعی بے گناہ ہے تو گرم لوہا اس کا ہاتھ نہیں جلائے گا تاہم ہاتھ جھلسنے پر جرگہ ارکان نے اس شخص کو گناہ گار ٹھہراتے ہوئے علاقہ بدر کرنے کا حکم دے دیا۔
اس حوالے سے پولیٹکل اسسٹنٹ امیرتیمور نے بتایا کہ پھگلہ میں چوری کیمعاملے پر جرگہ ممبران کے خلاف مقدمہ درج کرلیا گیا ہے تاہم ابھی تک کسی کی گرفتاری عمل میں نہیں آسکی ہے۔پولیٹیکل اسسٹنٹ کے مطابق ملزم پر سولر پینل چوری کرنے کے الزام کے بعد جرگے نے ملزم کو بیگناہی ثابت کرنے کیلئے قبائلی رسم آس کا فیصلہ سنایا تھا جس کے بعد ملزم کے ہاتھ پرانگارہ اورگرم لوہا رکھاگیا، ہاتھ جلنے پر اسیگناہ گارقراردیا گیا۔
