پاکستانی شہریوں کی جانب سے پیٹرولیم مصنوعات پر ادا کیے جانے والے ٹیکس کی تفصیلات سامنے آ گئی ہیں۔
پیٹرولیم ڈویژن کے ذرائع کے مطابق فی لیٹر پیٹرول کی قیمت میں 37 فیصد تک ٹیکس شامل ہے، جس کے مطابق ایک لیٹر پیٹرول کی قیمت میں 96 روپے 28 پیسے ٹیکس کی مد میں وصول کیے جا رہے ہیں۔
ذرائع کے مطابق ڈیزل کی قیمت میں بھی بھاری ٹیکس شامل ہیں، اور ایک لیٹر ڈیزل کی قیمت کا تقریباً 34 فیصد حصہ مختلف ٹیکسز پر مشتمل ہے۔ تفصیلات کے مطابق ایک لیٹر ڈیزل کی قیمت میں 94 روپے 92 پیسے ٹیکس کے طور پر وصول کیے جاتے ہیں۔
پیٹرولیم ڈویژن کے ذرائع کا کہنا ہے کہ پیٹرول اور ڈیزل پر عائد یہ ٹیکس کسٹم ڈیوٹی، پیٹرولیم لیوی اور کلائمیٹ لیوی کی مختلف شقوں کے تحت وصول کیے جاتے ہیں۔
