پاکستان کرکٹ بورڈ نے تِن ملکی سیریز اور آئی سی سی انڈر 19 ورلڈ کپ کے لیے قومی اسکواڈ کا باضابطہ طور پر اعلان کر دیا ہے، جس میں کپتان فرحان یوسف کی قیادت برقرار رکھتے ہوئے مجموعی طور پر ایک تبدیلی کی گئی ہے۔
تفصیلات کے مطابق قومی انڈر 19 ٹیم میں صرف ایک ردوبدل کیا گیا ہے، محمد حذیفہ کی جگہ عمر زیب کو اسکواڈ میں شامل کیا گیا ہے جبکہ بقیہ کھلاڑیوں کو ان کی کارکردگی کی بنیاد پر برقرار رکھا گیا ہے۔
اعلان کردہ اسکواڈ میں کپتان فرحان یوسف، نائب کپتان عثمان خان، عبدالسبحان، احمد حسین، علی حسن بلوچ، علی رضا، دانیال علی خان، حمزہ ظہور، حذیفہ احسن، عمر زیب، مومن قمر، محمد صیّام، محمد شایان، نقاب شفیق اور سمیر منہاس شامل ہیں۔
تِن ملکی سیریز زمبابوے میں 25 دسمبر سے 6 جنوری تک شیڈول ہے، جس میں پاکستان کے ساتھ افغانستان اور میزبان زمبابوے کی ٹیمیں حصہ لیں گی۔
اسی طرح انڈر 19 ورلڈ کپ بھی 15 جنوری سے 6 فروری تک زمبابوے اور نمیبیا میں منعقد ہوگا، جہاں دونوں ایونٹس 50 اوورز کے فارمیٹ کے تحت کھیلے جائیں گے۔
