صدر آصف علی زرداری بحرین کا چار روزہ سرکاری دورہ مکمل کرنے کے بعد وطن واپس پہنچ گئے۔ اس دورے کے دوران پاکستان اور بحرین کے درمیان دوطرفہ تعلقات کے فروغ اور اقتصادی تعاون سے متعلق امور پر اہم پیش رفت سامنے آئی۔
دورے کے دوران صدر آصف علی زرداری نے بحرین کے فرمانروا اور ولی عہد سے ملاقاتیں کیں، جن میں باہمی دلچسپی کے مختلف شعبوں میں تعاون بڑھانے پر تبادلہ خیال کیا گیا۔ ملاقاتوں میں دونوں ممالک کے درمیان تعلقات کو مزید مضبوط بنانے کے عزم کا اعادہ بھی کیا گیا۔
اس موقع پر صدر آصف علی زرداری کو بحرین کی جانب سے شیخ عیسیٰ ایوارڈ سے بھی نوازا گیا، جسے دونوں ممالک کے درمیان دوستانہ تعلقات اور تعاون کی علامت قرار دیا جا رہا ہے۔
