ADVERTISEMENT
آرمی چیف جنرل قمر جاوید باجوہ سے بحرین کے وزیر خارجہ نے ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف اور بحرین کے وزیر خارجہ شیخ خالد بن احمد بن محمد الخلیفہ کی ملاقات جی ایچ کیو میں ہوئی جس میں باہمی دلچسپی کے امور اور خطے کی سیکیورٹی صورتحال پر تبادلہ خیال کیا گیا۔
واضح رہےکہ بحرین کے وزیر خارجہ اپنے پاکستانی ہم منصب شاہ محمود قریشی کی دعوت پر 2 روزہ دورہ پاکستان پر ہیں اور اس دوران وہ وزیراعظم عمران خان اور صدر عارف علوی سے بھی ملاقات کریں گے۔
