راولپنڈی: عوامی مسلم لیگ کے سربراہ اور سابق وفاقی وزیر داخلہ شیخ رشید احمد کو اسلام آباد ہائیکورٹ کے حکم کے مطابق اڈیالہ جیل سے رہا کر دیا گیا ہے۔
شیخ رشید نے وکیل نے دلائل دیتے ہوئے کہا کہ ضمانت بعد از گرفتاری کی درخواست ہے، ایڈیشنل سیشن جج نے ایک الزام کی بناءپر ضمانت خارج کی جس پر عدالت نے استفسار کیا کہ الزام کیا عائد کیا گیا ہے؟
وکیل سلمان اکرم راجہ نے عدالت کو بتایا کہ نیوز چینل پر بیان دکھایا گیا جس کی بناءپر مقدمہ درج کیا گیا اور شیخ رشید اس وقت جوڈیشل ریمانڈ پر جیل میں قید ہیں۔
تفتیشی افسر نے عدالت کو بیان دیا کہ شیخ رشید کے بیان کی تفصیلات پاکستان الیکٹرانک میڈیا ریگولیٹری اتھارٹی (پیمرا) سے حاصل کی گئیں، آصف علی زرداری کی عمران خان کے خلاف مبینہ سازش کے شواہد شیخ رشید سے نہیں ملے۔
