وزیراعظم عمران خان کی زیر صدارت وفاقی کابینہ کا اجلاس آج ہوگا، اجلاس میں 11 نکاتی ایجنڈے پر غور کیا جائے گا۔
تفصیلات کے مطابق وزیراعظم عمران خان کی زیر صدارت ہونے والے وفاقی کابینہ کے اجلاس میں کابینہ 40 ہزار روپے مالیت کے پرائز بانڈز ختم کرنے کی منظوری دئیے جانے کا امکان ہے جبکہ وفاقی بجٹ، اثاثے ظاہرکرنے کی اسکیم سمیت دیگر معاملات کا جائزہ لیا جائے گا۔
اجلاس میں وفاقی دارالحکومت کے لیے سینئر سٹیزن بل 2019 اور بچوں کے حقوق کے لیے قومی کمیشن کے قیام کی منظوری دی جائے گی جبکہ اپوزیشن کے احتجاج سے نمٹنے کا پلان تیار کرے گی۔
اجلاس کے ایجنڈے میں جنوبی کوریا کے شہریوں کو ورک ویزا جاری کرنے کی منظوری، 17 ایونیو میں توسیع کے لیے شہر اقتدار کے ماسٹر پلان میں تبدیلی کی منظوری، صوبوں سے اسپتالوں کی وفاق کو منتقلی کی منظوری بھی ایجنڈے میں شامل ہے۔
وفاقی کابینہ اجلاس میں پرائیویٹ پاور انفرا اسٹرکچر بورڈ کے منیجنگ ڈائریکٹر کی تقرری کی منظوری اور حج پلان 2019 کی منظوری دے گی۔
وزیراعظم عمران کی زیرصدارت اجلاس میں وفاقی حکومت کے احساس پروگرام پربریفنگ دی جائے گی اور گزشتہ فیصلوں پر عملدرآمد کا جائزہ بھی لیا جائے گا۔
