آئندہ 24 گھنٹوں کے دوران جڑواں شہروں سمیت ملک کے اکثر علاقوں میں بارش کا امکان ہے۔
محکمہ موسمیات کے مطابق ہفتے کے روز گوجرانوالہ، لاہور، فیصل آباد،سرگودھا، ساہیوال،ملتان، ڈی جی خان، قلات ڈویژن، کشمیر میں کہیں کہیں بارش کا امکان ہے۔
جبکہ مالاکنڈ، ہزارہ، پشاور،کوہاٹ، راولپنڈی، بہاولپور، ژوب،ٹھٹھہ، کراچی ڈویژن، اسلام آباد اور گلگت بلتستان میں چند مقامات پر تیز ہواؤں، آندھی اور گرج چمک کیساتھ بارش کی پیش گوئی کی گئی ہے۔ ملک کے دیگر علاقوں میں موسم گرم اور مرطوب رہیگا۔
گزشتہ روز سندھ، راولپنڈی،گوجرانوالہ ڈویژن میں کہیں کہیں جبکہ لاہور، فیصل آباد،،ملتان، بہاولپور،ساہیوال، مالاکنڈ،ہزارہ،کوہاٹ،پشاور، مکران ڈویژن، اسلام آباد ، کشمیر اور گلگت بلتستان میں چندمقامات پر تیز ہواوٗں اور گرج چمک کیساتھ بارش ہوئی۔
