محکمہ موسمیات کے مطابق آئندہ 24 گھنٹوں کے دوران جڑواں شہروں سمیت ملک کے بعض علاقوں میں بارش کا امکان ہے۔
محکمہ موسمیات کے مطابق ہزارہ، راولپنڈی، گوجرانوالہ ڈویژن، اسلام آباد، کشمیر میں کہیں کہیں جبکہ لاہور، سرگودھا، مالاکنڈ، پشاور، مردان، کوہاٹ اوربنوں ڈویژن میں چند مقامات پر تیز ہواوٗں اور گرج چمک کیساتھ بارش کا امکان ہے۔ اگلے چند روز کے دوران جنوبی پنجاب اور صوبہ سندھ میں کپاس کی چنائی کے بیشتر علاقوں میں موسم خشک اور گرم رہےگا۔
گزشتہ روز ملک کے بیشتر علاقوں میں موسم گرم اور مرطوب رہا تاہم سرگودھا، گوجرانوالہ اور فیصل آباد ڈویژن میں چند مقامات پر بارش ہوئی۔ سب سے زیادہ درجہ حرارت میں تربت 43 اور سبی میں41 ڈگری سینٹی گریڈ ریکارڈ کیا گیا۔
