پاک فوج نے بھارتی آرمی چیف کی گیدڑ بھبکیوں کرارا جواب دیتے ہوئے کہا ہے کہ بھارتی آرمی چیف کا بیان ایک اور مِس ایڈونچر کی کوشش ہے۔
ترجمان پاک فوج میجر جنرل آصف غفور کی جانب سے جاری بیان میں کہا گیا ہےکہ بھارتی فوجی کمانڈرز آزاد جموں کشمیر کے بارے میں غیر ذمہ دارانہ بیان دے رہے ہیں، بھارتی فوجی کمانڈرز کو مقبوضہ کشمیر میں حالات کنٹرول کرنے میں ناکامی پر یہ مایوسی ہے، اسی مایوسی میں بھارتی فوجی کمانڈرز آزاد جموں کشمیر سے متعلق غیرذمہ دارانہ باتیں کررہے ہیں۔
Irresponsible statements by Indian military commanders particularly about AJ&K are expression of their frustration due to their failure to handle situation in IOJ&K and attempts to divert world’s attention from Indian state terrorism and siege of IOJ&K.
— DG ISPR (@OfficialDGISPR) September 24, 2019
افواج پاکستان کی جانب سے کہا گیا کہ بھارت ریاستی دہشت گردی سے عالمی توجہ ہٹانے کی کوششیں کر رہا ہے، بھارت کے دراندازی اور دہشت گرد کیمپس کے الزامات جھوٹے آپریشن کا تسلسل ہیں، بھارت نے کوئی مہم جوئی کی تو علاقائی امن پر گہرے اثرات ہوں گے۔
ڈی جی آئی ایس پی آر کی جانب سے مزید کہا گیا کہ ہر طرح کی جارحیت کا مقابلہ کرنے کے لیے تیار ہیں، افواج پاکستان مادر وطن کے دفاع کے لیے ہر قیمت چکانے کو تیار ہے۔
Accusations of infiltration/presence of alleged terrorists camps are pretext for a false flag operation/misadventure which if tried shall have serious consequences for regional peace.Pak Armed Forces are fully prepared to respond to any aggression/misadventure regardless of cost.
— DG ISPR (@OfficialDGISPR) September 24, 2019
واضح رہے کہ بھارتی آرمی چیف نے گزشتہ روز اپنے بیان میں کہا تھا کہ بالاکوٹ میں تربیتی کیمپ موجود ہیں اور 500 لوگ کشمیر میں داخل ہونے کے تیار ہیں۔
