اسلام آباد : وزیر اطلاعات مریم اورنگزیب کا کہنا ہے کہ بجٹ میں سرکاری ملازمین کے لئے خوشخبری ہے، زراعت،بزنس ،نوجوانوں کیلئے بڑا ریلیف پیکج عوام دیکھے گی۔
تفصیلات کے مطابق وزیر اطلاعات مریم اورنگزیب نے پارلیمنٹ ہاوس میں میڈیا سے گفتگو کرتے ہوئے کہا گزشتہ 4 سال بدحالی کا سفر تھا،عوام دیکھے گی معاشی ویژن کیا ہوتا ہے، فتنہ فسادی اور انتشار نے معیشت پر حملہ آور ہونےکی کوشش کی ، اب سمت استحکام کی طرف ہے۔
وزیراطلاعات کا کہنا تھا کہ بجٹ میں سرکاری ملازمین کے لئے خوشخبری ہے، زراعت،بزنس ،نوجوانوں کیلئے بڑا ریلیف پیکج عوام دیکھے گی۔
مریم اورنگزیب نے مزید کہا کہ 4 سال کی نااہلی نالائقی کرپشن اور معیشت کی تباہی کی وجہ سے مایوسی پھیلی، 2013 میں جس طرح معیشت کو سیدھے راستے پر ڈالا اسی سمت کے تعین کی کوشش ہے۔
