بھارتی ٹیسٹ کرکٹ ٹیم کے کپتان روہت شرما کا انگلینڈ کے خلاف ٹیسٹ سیریز سے دستبردار ہونے کا امکان ہے۔
بھارتی میڈیا کے مطابق ریڈ بال کرکٹ میں فارم کی وجہ سے روہت شرما دستبردار ہو سکتے ہیں۔
بھارتی میڈیا رپورٹ میں دعویٰ کیا گیا ہے روہت شرما نے اس حوالے سے پہلے ہی فیصلہ کر لیا ہے جبکہ ویرات کوہلی کے اسکواڈ میں جگہ برقرار رکھنے کا قوی امکان ہے۔
یاد رہے کہ روہت شرما نے بورڈر گواسکر ٹرافی کے تین ٹیسٹ میچز میں 31 رنز سکور کیے تھے اور پھر آسٹریلیا کے خلاف سڈنی ٹیسٹ سے دستبردار ہو گئے تھے۔
علم میں رہے کہ بھارتی کرکٹ ٹیم کا 45 روزہ دورہ انگلینڈ 20 جون سے ہیڈنگلے ٹیسٹ سے شروع ہو گا جس میں دونوں ملکوں کی ٹیموں کے درمیان 5 ٹیسٹ میچز کی سیریز کھیلی جائے گی۔
