پاکستان کرکٹ ٹیم کے کپتان نے شکست کی زمہ داری بلے بازوں پر ڈال دی

پاکستان ٹیم کے کپتان سرفراز احمد نے شکست کی زمہ داری بلے بازوں پر ڈال دی، کہتے ہیں پہلی اننگ میں بڑی لیڈ لیتے تو نتیجہ مختلف ہوتا، ہم نے سیریز اپنے ہاتھوں سے گنوادی۔

نیوزی لینڈ کیخلاف ابوظہبی ٹیسٹ اور سیریز میں شکست پر سرفراز احمد نے مایوسی کا اظہار کیا، بولے کہ ناکامی کی ذمہ داری بلے بازوں پر عائد ہوتی ہے، پہلی اننگز میں بڑی لیڈ لیتے تو نتیجہ مختلف ہوتا، بلے بازوں کو اچھا کھیلنا پڑے گا۔

انہوں نے مزید کہا کہ ہم نے سیریز اپنے ہاتھوں سے گنوادی، کھلاڑیوں پر محنت تو بہت ہورہی ہے تاہم اس طرح بہتری نہیں آرہی، بلے بازوں کو پریشر کو ہینڈل اور نئی گیند سے اچھا کھیلنا پڑے گا۔

جنوبی افریقا سے سیریز کو سخت قرار دیتے ہوئے سرفراز نے کہا کہ ہمیں مزید محنت کرنا ہوگی، بیٹسمینوں کو ذہنی و اعصابی طور پر مضبوط ہونا پڑے گا۔