ملک بھر میں یوم فضائیہ آج جوش و جذبے سے منایا جا رہا ہے ۔ ایئربیسز پرآج خصوصی تقاریب ہوں گی۔
ایئر چیف مجاہد انور خان ایئر ہیڈ کوارٹرز اسلام آباد میں یاد گار شہدا پر پھول چڑھائے۔ ایئربیسز پرآج خصوصی تقاریب ہوں گی۔ اس دن کی یاد میں آج پاکستان کے تمام ائیر بیسز پر پاکستانی جنگی طیاروں کی نمائش کی جاتی ہے، پاک فضائیہ کے سامان حرب کی نمائش بھی ہوتی ہے۔ پاکستانی شاہین فضاؤں میں پرواز کرتے ہیں ، فوجی ائیر بیس عام لوگوں کے لئے کھول دیئے جاتے ہیں۔
ستمبر 1965 کی جنگ میں بھی ہمارے شاہینوں نے عزم و ہمت کی ایسی لازوال داستانیں رقم کیں، جس کی نظیر تاریخ میں نہیں ملتی۔ فضائی جنگ میں دشمن کے کل 129 لڑاکا جنگی طیاروں کو تباہ کیا گیا جبکہ پاکستان کے صرف 19 طیاروں کو نقصان پہنچا۔
ایم ایم عالم نے ایک منٹ میں دشمن کے 5 جنگی طیارے گرا کر تاریخ رقم کی۔ 17 روزہ جنگ میں ایم ایم عالم نے مجموعی طور پر دشمن کے 9 طیاروں کو تباہ کیا۔ پاک فضائیہ کی ہیبت آج بھی دشمن پر طاری ہے۔
کراچی آرمی قبرستان میں ایئر وائس مارشل عباس گھمن کی قیادت میں پی اے ایف کے دستے نے قبر پرفاتحہ خوانی کی اور پھولوں کی چادر چڑھائی۔ راشد منہاس شہید نے مادر وطن کی حفاظت کے لئے اپنی جان کا نذرانہ پیش کر کے ایک عظیم مثال قائم کی تھی۔
