پاکستان اسٹاک مارکیٹ میں کاروباری ہفتے کے چوتھے روز کا آغاز مثبت زون میں ہوا ہے۔
جمعرات کے روز کاروبار کا آغاز 30 ہزار 954 کی سطح پر ہوا اور ابتدائی ایک گھنٹے کے دوران اس میں تیزی دیکھنے میں آئی۔
100 انڈیکس 282 پوائنٹس کے اضافے کے بعد 31 ہزار 237 کی سطح پر دیکھا گیا ہے۔
گزشتہ روز پاکستان اسٹاک مارکیٹ میں تعطیلات کے بعد کاروباری حضرات کافی متحرک رہے۔
بدھ کے روز مارکیٹ کا آغاز 30 ہزار 467 کی سطح سے ہوا اور ابتدائی ایک گھنٹے دوران 100 انڈیکس 63 پوائنٹس کا اضافہ ہوا تھا۔
مارکیٹ کھلنے کے بعد مسلسل تیزی رہی تاہم دوپہر کے وقفے کے بعد کچھ دیر کے لیے مندی دیکھی گئی۔
ہنڈرڈ ایڈیکس ایک وقت میں31,019.81 پر بھی چلا گیا تھا جو آج کی بلند ترین سطح رہی تاہم مندی کے سبب انڈیکس 30 ہزار467 پر بھی آگیا تھا جو آج کی کم ترین سطح تھی۔
کاروباری ہفتے کے پہلے روز78,805,200 شیئرز کا لین دین ہوا جن کی مالیت 4,684,864,877 رہی اور انڈیکس 30,954 پر تھا۔
گزشتہ ہفتے پاکستان اسٹاک مارکیٹ میں کاروبار کی صورتحال تسلی بخش رہی اور مجموعی طور پر 795 پوائنٹ کا اضافہ ہوا۔
