وزیراعظم عمران خان نے نوجوانوں کے لیے ’کامیاب جوان پروگرام‘ کا افتتاح کردیا ہے۔
وفاقی دارالحکومت اسلام آباد میں کامیاب جواب پروگرام کی افتتاح تقریب جاری ہے۔ جس سے وزیرا عظم عمران خان خطاب کر رہے ہیں۔
وزیر اعظم عمران خان نے کہا کہ ہم کامیاب جوان پروگرام کو میریٹ کی بنیاد چلائیں گے دنیا میں جو قومیں بھی ترقی کرتی ہیں وہ میریٹ کی وجہ سے ہی آگے بڑھتی ہیں۔ بادشاہت میں میریٹ نہیں ہوتا۔
وزیراعظم عمران خان نے نوجوانوان کی فلاح و بہبود کے بڑے حکومتی پروگرام ’کامیاب جوان پروگرام‘ کا افتتاح جناح کنونشن اسلام آباد میں کر دیا۔ تقریب میں وفاقی و صوبائی وزرا، پارٹی کی مرکزی قیادت اور نوجوانوں کی بڑی تعداد شریک ہے جب کہ غیرملکی سفرا، عالمی اداروں کے نمائندے اور تمام بڑی جامعات کے وائس چانسلرز بھی تقریب میں موجود ہیں۔
وزیر اعظم عمران خان نے کہا کہ جب پاکستان بنا تو قائد اعظم نے کہا کہ دو چیزیں یاد رکھنا سفارشی نظام قائم نہ ہونے دینا ہر چیز میرٹ پر کرنا اور دوسرا کام کرپشن کو نہ آنے دینا لیکن بدقسمتی سے ہمارے ملک میں یہ دونوں چیزیں ہی موجود ہیں۔
انہوں نے کہا کہ جو انسان بڑا کام کر کے جاتا، جس کی سوچ بری ہوتی ہے اسی کا دنیا میں نام ہوتا ہے۔ دنیا کی تاریخ میں بڑے بڑے امیر لوگ آئے لیکن دنیا نے کسی امیر آدمی کو یاد نہیں رکھا۔ جو انسانوں کے لیے کچھ کر کے جاتا ہے دنیا اسی کو یاد رکھتی ہے۔
وزیر اعظم نے کہا کہ ہم نے بڑے بڑے لوگوں کو اپنا رول ماڈل بنایا ہوا ہے لیکن وہ سب لوگ ہمارے پیارے نبی صلی اللہ علیہ وسلم کی زندگی کے رتی برابر بھی نہیں ہیں اور کوئی ان کا مقابلہ نہیں کر سکتا۔ ہمارے نبی صلی علیہ وسلم جو انقلاب دنیا میں لے کر آئے اس کی تاریخ نہیں ملتی اور نہ کوئی کر سکتا ہے۔
انہوں نے کہا نوجوان اس بات کو سمجھیں کہ ہم نے پیارے نبی صلی اللہ علیہ وسلم کی زندگی کو اپنا رول ماڈل بنانا ہے، لوگوں میں تبدیلی لانی ہے۔ تبدیلی ایک دم نہیں آتی آہستہ آہستہ آتی ہے۔
پروگرام کے تحت نوجوانوں کو 10 ہزار سے 50 لاکھ تک قرض، کاروبار، اعلیٰ تعلیم، ہنر کے موقع فراہم کیے جائیں گے جس کے لیے نوجوان گھر بیٹھے ویب سائیٹ پر آن لائن درخواست دے سکیں گے۔
Prime Minister's #KamyabJawan Youth Programme will be launched today. Education, social engagement & employment will be our focus areas. We have a long way to go but this is the start of a new era for the youth of Pakistan. pic.twitter.com/lMwKU5Y2NX
— Usman Dar (@UdarOfficial) October 17, 2019
کامیاب جوان پروگرام کے ذریعے 100 ارب کا خطیر سرمایہ نوجوانوں کو قرضوں کی شکل میں مہیا کیا جائے گا، جس سے بیروزگاری اور غربت جیسے چیلنجز سے نمٹنے میں مدد ملی گی اور ملکی معیشت کی ترقی میں نوجوانوں کو نمایاں کردار میسر آئے گا۔
اس پروگرام کے تحت نوجوانوں کو 3 مختلف کیٹیگریز کے تحت سرمایہ مہیا کیا جائے گا،پہلی کیٹیگری میں 10 ہزار سے لے کر 1 لاکھ تک کی مالیت کے بلا سود قرضے شفاف ترین نظام کے تحت مہیا کیے جائیں گے،دوسری کیٹگری میں 1 سے لے کر 5 لاکھ مالیت کے آسان ترین شرائط پر قرضے فراہم کیے جائیں گے،تیسری کیٹگری میں 5 لاکھ سے 50 لاکھ تک کے قرضے فراہم کئے جائیں گے۔
اس پروگرام سے براہ راست 10 لاکھ نوجوان مستفید ہوں گے اور ملک بھر سے نوجوان www.kamyabjawan.gov.pk کو استعمال کرتے ہوئے اون لائن درخواستیں جمع کروا سکیں گے،قرض کے حصول کے لئے آن لائن پورٹل کے علاوہ کوئی تحریر درخواست یا فارم دستیاب نہیں۔
خواتین کے لئے سرمائے کی فراہمی اور معاشی سرگرمیوں میں انکا کردار یقینی بنانے کے لئے 25 فیصد کوٹہ مختص کیا گیا ہے۔جدید ترین اور نہایت شفاف انداز میں درخواستوں کی پڑتال کے ذریعے قرضوں کی تقسیم کا مربوط نظام مرتب کیا گیا ہے جس کی مکمل نگرانی وزیرِاعظم آفس سے کی جائے گی۔
"It is not defeat that destroys you,it is being demoralized by defeat that destroy you"@ImranKhanPTI#KamyabJawan pic.twitter.com/e70R4KspIu
— PTI North Punjab (@PtiNorthPunjab) October 17, 2019
ملک بھر سے موصول ہونے والی درخواستوں پر قرض کی رقوم کا اجراء نیشنل بنک آف پاکستان، بنک آف خیبر اور بنک آف پنجاب کے ذریعے کیا جائے گا۔ملک بھر سے موصول ہونے والی درخواستوں پر قرض کی رقوم کا اجراء نیشنل بنک آف پاکستان، بنک آف خیبر اور بنک آف پنجاب کے ذریعے کیا جائے گا، مذکورہ بنک ملکی تاریخ میں پہلی مرتبہ وضع کیے گئے خفیہ اسکور کارڈ کے تحت درخواستوں کی پڑتال عمل میں لائیں گے اور کسی بھی درخواست کی منظوری یا اسے مسترد کرنے کا 30 سے 45 روز میں فیصلہ کریں گے۔
نوجوان اپنی جانب سے تیار کردہ کاروباری منصوبے کی فزیبلٹی جمع کروا سکیں گے یا انکی معاونت کے لئے فراہم کی جانے والی فزیبلٹی میں سے کسی ایک کو استعمال کر سکیں گے،نوجوانوں کی معاونت کے لئے مختلف کاروباری آئیڈیاز کے حوالے سے 200 فزیبلٹیز آن لائن دستیاب بنائی جا چکی ہیں۔اس پروگرام سے چھوٹے اور درمیانے درجے کی صنعتوں کے لئے دستیاب مواقعوں میں نمایاں اضافہ ہوگا۔اس پروگرام سے قبل ایس ایم ای سیکٹر کو 1 لاکھ 75 ہزار قرضے دستیاب ہیں اوراس سیکٹر کے لئے 1 لاکھ 39 ہزار نئے قرضے دستیاب ہوں گے۔
