اسلام آباد عالمی مالیاتی فنڈ (آئی ایم ایف) نے پاکستان سے گیس کی قیمتوں میں فوری اضافے کا مطالبہ کردیا اور کہا قیمتوں میں اضافہ نہ کرنامعاہدےکی خلاف ورزی ہے۔
تفصیلات کے مطابق یکم جولائی سے گیس کی قیمتوں میں اضافہ نہ کرنے پر آئی ایم ایف نے تشویش کا اظہار کردیا ذرائع وزارت خزانہ نے بتایا آئی ایم ایف نے مطالبہ کیا ہے کہ وزارت خزانہ اقتصادی رابطہ کمیٹی اجلاس بلا کر فوری گیس قیمتوں میں اضافےکی منظوری دے۔
ذرائع کا کہنا ہے کہ گیس قیمتوں میں اضافے کیلئےاقتصادی رابطہ کمیٹی کا اجلاس پیرکو طلب کر لیاگیا ہے اور گیس قیمتوں میں اضافے کیلئےتوانائی ڈویژن کی سمری آئی ایم ایف کےساتھ شیئر کی گئی ہے۔
آئی ایم ایف نے وزارت خزانہ سے اظہار تشویش کرتے ہوئے کہا کہ قیمتوں میں اضافہ نہ کرنامعاہدےکی خلاف ورزی ہے۔
یکم جولائی سےگیس قیمتوں میں اضافہ نہ ہونےسےسوئی گیس کمپنیاں 46 ارب روپےکانقصان کرچکی ہے، آئی ایم ایف نے جولائی سے ستمبر گیس کمپنیوں کا46 ارب کا نقصان ریکور کرنے کی تجویز دی۔
ورچوئل بات چیت کے دوران آئی ایم ایف حکام کو وزیرخزانہ کی بیرون ملک روانگی بارے بتایا گیا، نگران وزیرخزانہ شمشاداختر بیلٹ روڈ کانفرنس میں شرکت کے بعد آج چین سےوطن واپس آئیں گی۔
