لاہور مسلم لیگ ن کے صدر عوام کو شہبازشریف کا کہنا ہے کہ عوام واضح اکثریت دیں تاکہ ملک کو معاشی خود انحصاری اور مہنگائی سے نجات ملے۔
تفصیلات کے مطابق مسلم لیگ ن کے صدر شہباز شریف نے اپنے بیان میں کہا ہے کہ متفقہ قومی معاشی منشورہی پاکستان کو مسائل کی دلدل سے نکال سکتا ہے، انتخابات میں کامیابی ملی تو نواز شریف کی قیادت میں قومی ترقی کےمعاشی منشور پر عمل کریں گے۔
شہباز شریف کا کہنا تھا کہ چارٹرآف اکانومی کی تجویز قائد حزب اختلاف کے طور پر دی تھی جس پرآج پوری قوم متفق ہو چکی ، سیاسی اور جذباتی بیانات سے نہیں پالیسی اقدامات سے معیشت بحال اور عوام کو مہنگائی سے نجات ملے گی۔
ن لیگی صدر نے بتایا کہ عوام مہنگائی سے نجات اور معاشی خوشحالی چاہتے ہیں، روزگارمہیا کریں گے اور غربت کا خاتمہ کریں گے انشااللہ بجٹ خسارا کم کرنا ترجیحات میں شامل ہے۔
سابق وزیراعظم کا کہنا تھا کہ تاریخ گواہ ہے عوام کو مہنگائی سے نجات صرف مسلم لیگ (ن) دلاتی ہے، انتخابات میں مہنگائی سے عوام کو نجات دلانے کے لئے حصہ لے رہے ہیں، نواز شریف نے ہمیشہ پاکستان کی معیشت کو سنوارا،پورےملک کو مساوی بنیادوں پرترقی دی۔
شہباز شریف نے بتایا کہ زرعی انقلاب لائیں گے،صنعت، معدنیات، آئی ٹی کے شعبوں میں مثالی ترقی ہوگی ، 2000 ارب روپےکے زرعی پیکیج نے معاشی بہتری،زرعی شعبے کی بحالی میں اہم کردار ادا کیا، کاروبار میں آسانی لاکر سازگار معاشی ماحول پیدا کرنا ہے، عوام واضح اکثریت دیں تاکہ ملک کو معاشی خود انحصاری ملے،عوام کو مہنگائی سے نجات ملے۔
