پاکستان پیپلزپارٹی کے چیئرمین بلاول بھٹو زرداری آج کراچی شہر کے مختلف مقامات سے گزرنے والی ریلی کی سربراہی کریں گے۔
ریلی کاآغاز دن ایک بجے بلاول ہاؤس سے ہوگا جس کے بعد ریلی شیریں جناح کالونی، کیماڑی اور ٹاور سے ہوتی ہوئی لی مارکیٹ پہنچے گی۔
اس کے بعد ریلی چاکیواڑہ، شیرشاہ، سائٹ اور پاک کالونی سے ہوتی ہوئی پرانا گولیمار جائے گی اور نشتر روڈ، لسبیلہ، گلبہار سے ہوتی ہوئی رضویہ چورنگی پہنچے گی۔
بعد ازاں ریلی ناظم آباد پیٹرول پمپ اور لیاقت آباد 10 نمبر کے راستے سے حسن اسکوائر جائے گی۔
ریلی یونیورسٹی روڈ سے ہوتے ہوئے صفورا اور ملیر کینٹ جائے گی جبکہ ملیر کالابورڈ سے ہوتے ہوئے داؤد چورنگی پر ریلی کا اختتام ہوگا۔
