جنوبی وزیرستان میں صوبائی امیدوار کی گاڑی کے قریب دھماکا ، 2 افراد زخمی

جنوبی وزیرستان میں پاکستان تحریک انصاف پارلیمنٹرینز کے امیدوار کی گاڑی کے قریب دھماکا ہوا جس کے نتیجے میں 2 افراد زخمی ہو گئے۔

پولیس نے بتایا کہ حلقہ پی کے 110 سے انتخابات میں حصہ لینے والے امیدوار نصیر اللہ وزیر کی گاڑی کے قریب دھماکا ہوا تاہم وہ اس وقت گاڑی میں موجود نہیں تھے۔

پولیس کا کہنا تھا کہ گاڑی میں موجود 2 افراد معمولی زخمی ہو گئے، جنہیں فوری طور پر ہیڈ کوارٹر اسپتال منتقل کر دیا گیا، دھماکے کے بعد پولیس نے علاقے کو گھیرے میں لے کر سرچ آپریشن شروع کر دیا۔

واضح رہے کہ گزشتہ روز بھی جنوبی وزیرستان کے علاقے وانا کڑیکوٹ روڈ پر دھماکا ہوا تھا جس کے نتیجے میں 2 پولیس اہلکار زخمی ہوئے تھے۔