انسٹنٹ میسجنگ ایپ واٹس ایپ نے ایک بڑی اپڈیٹ جاری کردی ہے جس میں تخلیقی صلاحیتوں اور ذاتی نوعیت کے نئے فیچرز کو یکجا کیا گیا ہے۔ یہ اپڈیٹس صارفین کو زیادہ ذاتی اور مؤثر تجربہ فراہم کرنے کے لیے متعارف کرائی گئی ہیں۔
اے آئی جنریٹڈ چیٹ تھیمز
اب صارفین سیٹنگز میں جا کر پرامپٹس کی مدد سے اپنی مرضی کے وال پیپرز اور چیٹ ببل کے رنگ بنا سکتے ہیں۔ اس کے ذریعے ہر چیٹ کو ایک الگ اور منفرد انداز دیا جا سکے گا۔
iOS لائیو فوٹوز اور اینڈرائیڈ موشن فوٹوز
یہ فیچر تصاویر کو زیادہ جاندار بنانے کے لیے متعارف کرایا گیا ہے، جو نہ صرف تصویر میں حرکت بلکہ آواز کو بھی برقرار رکھے گا تاکہ یادیں حقیقی انداز میں شیئر کی جا سکیں۔
اینڈرائیڈ ڈاکیومنٹ اسکینر
صارفین اب واٹس ایپ کے اندر ہی ڈاکیومنٹس اسکین، ایڈٹ، کراپ اور براہِ راست شیئر کر سکیں گے۔ اس مقصد کے لیے کسی تھرڈ پارٹی ایپ کی ضرورت نہیں رہے گی۔
اے آئی پاورڈ میسج سمریز
زیادہ غیر پڑھے گئے میسجز والی چیٹس کے لیے سمرائز پرائیویٹلی آپشن شامل کیا گیا ہے، جو پیغامات کو مختصر نکات میں بدل دے گا۔ یہ فیچر فی الحال صرف امریکہ میں اور انگریزی زبان کے لیے دستیاب ہے، تاہم بعد میں اسے دیگر زبانوں اور ممالک میں بھی متعارف کرایا جائے گا۔
مزید تجرباتی فیچرز میں رچ لنک پریویوز، پول امیجز اور کمیونٹی کریئشن کو آسان بنانے جیسے آپشنز بھی شامل ہیں۔
ماہرین کا کہنا ہے کہ یہ اپڈیٹس واٹس ایپ کو محض ایک چیٹ ایپ سے بڑھا کر پیداواری پلیٹ فارم میں تبدیل کرنے کی جانب اہم قدم ہیں، اور ساتھ ہی صارفین کی پرائیویسی کو بھی یقینی بنایا گیا ہے۔
