پاکستان نے بھارت کے لیے اپنی فضائی حدود کی بندش میں مزید ایک ماہ کی توسیع کر دی ہے۔ اس فیصلے کے تحت بھارتی رجسٹرڈ طیاروں کو 23 جنوری 2026 تک پاکستانی فضائی حدود استعمال کرنے کی اجازت نہیں ہوگی۔
پاکستان ایئرپورٹس اتھارٹی نے حکومت کی منظوری کے بعد اس حوالے سے نیا نوٹم جاری کر دیا ہے، جس میں واضح کیا گیا ہے کہ یہ پابندی بھارت کے تمام ملٹری اور پرائیویٹ طیاروں پر لاگو ہوگی۔
یاد رہے کہ پاکستان نے 23 اپریل 2025 سے بھارتی طیاروں کے لیے اپنی فضائی حدود بند کر رکھی ہے، جس میں اب مزید ایک ماہ کی توسیع کر دی گئی ہے۔
