سونے کی قیمتوں میں اضافے کا رجحان بدستور جاری ہے اور آج ایک بار پھر سونے کے بھاؤ میں ہزاروں روپے کا نمایاں اضافہ ریکارڈ کیا گیا ہے، جس کے باعث مقامی مارکیٹ میں قیمتیں نئی بلند ترین سطح پر پہنچ گئی ہیں۔
آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 8 ہزار 500 روپے کا اضافہ ہوا، جس کے بعد فی تولہ سونا 4 لاکھ 70 ہزار 862 روپے میں فروخت ہو رہا ہے۔
ایسوسی ایشن کا کہنا ہے کہ 10 گرام سونے کی قیمت میں بھی 7 ہزار 288 روپے اضافہ ہوا ہے، جس کے بعد 10 گرام سونے کا بھاؤ 4 لاکھ 3 ہزار 688 روپے ہو گیا ہے۔ ملک میں پہلی مرتبہ 10 گرام سونے کی قیمت 4 لاکھ روپے کی حد عبور کر گئی ہے۔
دوسری جانب عالمی مارکیٹ میں بھی سونے کی قیمت میں اضافہ دیکھا گیا ہے، جہاں فی اونس سونا 85 ڈالر اضافے کے بعد 4 ہزار 485 ڈالر پر پہنچ گیا ہے۔
واضح رہے کہ گزشتہ روز بھی مقامی مارکیٹ میں فی تولہ سونے کی قیمت میں 6 ہزار 200 روپے کا اضافہ ریکارڈ کیا گیا تھا۔
