برطانیہ نے انسانی حقوق کی سنگین خلاف ورزیوں کے الزامات کے تحت ایرانی شخصیات اور ایک ادارے پر نئی پابندیاں عائد کرنے کا اعلان کر دیا ہے۔ لندن سے موصول ہونے والی خبر ایجنسی کی رپورٹ کے مطابق برطانوی حکومت نے مجموعی طور پر 10 ایرانی شخصیات اور ایک ادارے کو پابندیوں کی فہرست میں شامل کیا ہے۔
برطانوی حکومت کا کہنا ہے کہ یہ پابندیاں ان افراد اور ادارے کے انسانی حقوق کی سنگین خلاف ورزیوں میں مبینہ طور پر ملوث ہونے کی بنیاد پر لگائی گئی ہیں۔ حکومت کے مطابق پابندیوں کا مقصد انسانی حقوق کے تحفظ کو یقینی بنانا اور ایسے عناصر کے خلاف سخت مؤقف اپنانا ہے جو ان اقدار کی خلاف ورزی کے مرتکب پائے گئے ہیں۔
برطانوی حکام کے مطابق پابندیوں کے تحت فہرست میں شامل افراد اور ادارے کے برطانیہ میں موجود تمام اثاثے منجمد کر دیے جائیں گے، جبکہ ان شخصیات پر برطانیہ کے سفر پر بھی مکمل پابندی عائد ہوگی۔ حکومت کا کہنا ہے کہ انسانی حقوق کی خلاف ورزیوں پر کسی قسم کی نرمی نہیں برتی جائے گی اور ایسے اقدامات آئندہ بھی جاری رہیں گے۔
