ملک میں پٹرولیم مصنوعات کی قیمتوں کے تعین کے موجودہ طریقہ کار پر آل پاکستان پٹرول پمپ اونرز ایسوسی ایشن نے شدید تحفظات کا اظہار کرتے ہوئے وزیر پٹرولیم سے فوری مشاورت کا مطالبہ کیا ہے، تاکہ پالیسی سازی میں متعلقہ فریقین کو شامل کیا جا سکے۔
ایسوسی ایشن کے وائس چیئرمین نعمان بٹ نے کہا کہ قیمتوں میں اضافے کے طریقہ کار پر پٹرول پمپ مالکان کو اعتماد میں لیا جانا چاہیے، کیونکہ ملک بھر میں موجود تقریباً 15 ہزار پٹرول پمپ مالکان کو موجودہ نظام پر سنجیدہ اعتراضات ہیں۔
انہوں نے کہا کہ موجودہ حالات میں کسی نئے بحران کو جنم دینا مناسب نہیں ہوگا، تاہم اگر ان کے مطالبات تسلیم نہ کیے گئے تو پٹرول پمپ بند کرنے کا آپشن بھی زیر غور لایا جا سکتا ہے، جو صورتحال کو مزید پیچیدہ بنا سکتا ہے۔
نعمان بٹ نے خبردار کیا کہ اگر مسائل کو بروقت حل نہ کیا گیا تو پیدا ہونے والی صورتحال کی ذمہ داری وزیر پٹرولیم پر عائد ہوگی، اس لیے حکومت کو فوری طور پر سنجیدہ اقدامات کرنے چاہئیں۔
