پاکستانی کرکٹر فخر زمان نے ٹی 20 کرکٹ سے ریٹائرمنٹ نہ لینے کا فیصلہ کیا ہے اور واضح کیا ہے کہ وہ اس فارمیٹ میں اپنی کارکردگی جاری رکھیں گے۔
اپنے بیان میں فخر زمان نے کہا کہ ورلڈ کپ کے بعد انہوں نے ٹی 20 کرکٹ سے ریٹائرمنٹ کا فیصلہ کیا تھا، تاہم اب انہوں نے اس فیصلے پر نظرثانی کرتے ہوئے ریٹائر نہ ہونے کا ارادہ کیا ہے۔
انہوں نے مزید کہا کہ وہ ٹی 20 کرکٹ کو ایک بہتر انداز میں جاری رکھنا چاہتے ہیں اور مستقبل میں اپنی کارکردگی کو مزید بہتر بنانے پر توجہ دیں گے۔
فخر زمان کا کہنا تھا کہ وہ اس فارمیٹ کو اچھے انداز میں ختم کرنا چاہتے ہیں، تاہم فی الحال ان کا مکمل فوکس کھیل جاری رکھنے اور ٹیم کے لیے بہترین کارکردگی دکھانے پر ہے۔
