پاکستان اسٹاک ایکسچینج میں جمعے کے روز مثبت رحجان سے کاروبار کا آغاز ہوا تاہم کچھ ہی دیر بعد مارکیٹ مندی کا شکار ہوگئی۔
مارکیٹ کھلتے ہی پہلے 40 منٹ میں 100 انڈیکس میں 131 پوائنٹس کا اضافہ ہوا تھا۔ کاروبار کے آغاز پر انڈیکس 38552 پر ٹریڈ کررہا تھا جو 131 پوائنٹس کے اضافے سے 38684 پر چلا گیا۔
کاروباری ہفتے کے آخری روز پہلے ایک گھنٹے میں ہی مارکیٹ مندی کا شکار ہوگئی اورانڈیکس سطح آغاز سے بھی66 پوائنٹ نیچے چلا گیا۔
اسٹاک مارکیٹ سے آخری خبریں آنے تک 38507 پر ٹریڈ کررہا تھا، مارکیٹ میں 21,274,560 شیئرز کا لین دین ہوا جن کی مالیت 1,078,401,295 پاکستانی روپے ہی۔
گزشتہ روز بھی مارکیٹ میں مندی کا رحجان رہا اور کاروبار کے اختتام پر412 پوائنٹس کی کمی دیکھی گئی۔ ماہرین کا کہنا ہے کہ آئی ایم ایف سے ان کی شرائط پر معاہدے کی خبر نے سرمایہ کاروں کو محتاط رہنےپرمجبورکردیا جسکی وجہ سےآج سرمایہ کاری متاثرہوئی ہے۔
