چیئرمین یورپی یونین ملٹری کمیٹی نے نیول ہیڈکوارٹرز کا دورہ کیا، ترجمان پاک بحریہ کے مطابق نیول ہیڈکوارٹرز آمد پر پاک بحریہ کے سربراہ ایڈمرل ظفر محمود عباسی نے معزز مہمان کا استقبال کیا، معززمہمان کو روایتی انداز میں گارڈ آف آنر پیش کیا گیا۔
ترجمان پاک بحریہ کے مطابق چیئرمین یورپی یونین ملٹری کمیٹی، جنرل کلاڈیو گریزیانو کی نیول ہیڈ کوارٹرز آمد پر پاک بحریہ کے سربراہ ایڈمرل ظفر محمود عباسی نے استقبال کیا۔ معزز مہمان کو روایتی انداز میں گارڈ آ ف آنر پیش کیا گیا جنرل کلاڈیو گریزیانو نے نیول ہیڈکوارٹرز میں یادگار شہداء پر پھولوں کی چادر چڑھائی۔ چیئرمین یورپی یونین ملٹری کمیٹی کی پاک بحریہ کے سربراہ سے ملاقات میں باہمی دلچسپی اور دفاعی تعاون کے امور پر بات چیت کی گئی۔
سربراہ پاک بحریہ نے خطے میں سمندری سلامتی اور امن کو یقینی بنانے اور دہشت گردی کے خلاف جنگ میں پاکستان کے کردار پر روشنی ڈالی۔ جنرل کلاڈیو گریزیانو نے خطے میں بحری سیکیورٹی اور استحکام کے حوالے سے پاک بحریہ کی کوششوں اور عزم کو سراہا۔
