کراچی : اختر کالونی میں گھر میں سلنڈر دھماکے کے نتیجے میں خاتون اور بچوں سمیت 5 افراد زخمی ہوگئے۔
تفصیلات کے مطابق کراچی کے علاقے اختر کالونی گلی نمبر 10 کے گھر میں سلنڈر دھماکا ہوا ، جس کے نتیجے میں خاتون اور بچوں سمیت 5 افراد زخمی ہوگئے۔
واقعے کی اطلاع ملنے پر ریسکیو ٹیمیں موقع پر پہنچ گئی، زخمیوں کو طبی امداد کیلئے اسپتال منتقل کیا گیا۔
پولیس جائے وقوعہ پر پہنچ گئی، ابتدائی معلومات کے مطابق سلنڈر دھماکہ ہے تاہم واقعے کی مزید جانچ بھی کی جائے گی۔
یاد رہے گذشتہ ماہ کراچی کے علاقے اورنگی ٹاؤن کے گھر میں گیس سلنڈر پھٹنے سے گھر کی دیوار گرگئی تھی ، جس کے نتیجے میں 12 افراد زخمی ہو گئے تھے۔
ریسکیو حکام کے مطابق سلنڈر پھٹنے سے 8 افراد اور مکان کی دیوار گرنے سے پڑوس میں مقیم 4 افراد زخمی ہوئے۔
خیال رہے حیدرآباد میں سلنڈر دھماکے میں27 افراد کی ہلاکت کے واقعے کے بعد سندھ حکومت نے بڑا فیصلہ کیا تھا۔
حکومت نے سندھ بھر میں ڈپٹی کمشنرز کو غیرقانونی ایل این جی اور ایل پی جی دکانوں کیخلاف ایکشن کا حکم دیا تھا۔
