اسلام آباد : وزیر خارجہ بلاول بھٹو زرداری شنگھائی تعاون تنظیم کے اجلاس میں شرکت کے لئے کل بھارت روانہ ہوں گے۔
تفصیلات کے مطابق وزیر خارجہ بلاول بھٹو زرداری کل شنگھائی تعاون تنظیم اجلاس کے لیے بھارت روانہ ہوں گے، ذرائع نے بتایا کہ وہ کل دوپہر خصوصی طیارے پر اسلام آباد سے بھارت کے شہر گوا جائیں گے۔
ذرائع کا کہنا ہے کہ سیکرٹری خارجہ اسد مجید خان، ترجمان دفتر خارجہ اور وزارت خارجہ کے حکام بھی وزیر خارجہ کے ہمراہ ہوں گے۔
وزیر خارجہ بلاول بھٹوایس سی اواجلاس کےبعد 5 مئی کو وطن واپس آئیں۔
یاد رہے ترجمان دفتر خارجہ ممتاز زہرا بلوچ نے دورہ بھارت کے حوالے سے بتایا تھا کہ بلاول زرداری بھارت میں دورے کے دوران سائیڈ لائن ملاقاتیں بھی کریں گے ، ایس سی او اجلاس آئندہ ماہ بھارتی شہر گوا میں منعقد ہوگا، بھارتی وزیر خارجہ ایس سی او سمٹ کیلئے تمام ممبر ممالک کو دعوت دی تھی۔
ممتاز زہرا بلوچ کا کہنا تھا کہ پاکستان شنگھائی تعاون تنظیم سے دیرینہ وابستگی کے باعث اجلاسوں میں شرکت کرتا ہے، تنظیم کا موسمیاتی تحفظ بارے چوتھا وزارتی اجلاس نئی دہلی میں آن لائن منعقد ہوا۔
