سابق وزیر خارجہ اور چیئرمین پیپلز پارٹی بلاول بھٹو زرداری کا کہنا ہے کہ کوشش ہے اپنے عوام کو بھی اعلیٰ تعلیم کی سہولتیں فراہم کریں۔
ملتان میں ایک تقریب سے خطاب میں بلاول بھٹو نے کہا کہ پیپلز پارٹی نے ہمیشہ تعلیم پر توجہ دی، پسماندہ علاقوں کے بچوں کو بھی تعلیم کی سہولتیں ملنی چاہئیں۔
انہوں نے کیہا کہ ہمارے لوگ باصلاحیت ہیں، لہٰذا کوشش ہے اپنے عوام کو بھی اعلیٰ تعلیم کی سہولتیں فراہم کریں۔
بلاول بھٹو کا کہنا تھا کہ گزشتہ سال جنوبی پنجاب، سندھ اور بلوچستان سیلاب سے متاثر ہوا، اگر صحیح طریقےسے وسائل خرچ ہوں تو اچھے ادارے بن سکتے ہیں۔
