کراچی پاکستان میں منکی پاکس کے 5 مشتبہ کیسز سامنے آگئے مسقط سے کراچی پہنچنے والے 5 مسافروں میں منکی پاکس کی تشخیص ہوئی۔
تفصیلات کے مطابق کراچی جناح انٹر نیشنل ایئر پورٹ پر لیبیا سے مسقط پھر کراچی پہنچنے والے پانچ مسافروں میں منکی پاکس کی تشخیص ہوئی۔
مسافرغیرملکی ائیرلائن کی پروازنمبر کے ذریعے کراچی ایئر پورٹ پہنچے تھے، محکمہ صحت سندھ کا کہنا ہے کہ شک کی بنیاد پر پانچ مریضوں کو ائیرپورٹ سے سندھ انفیکشن ڈیزیزاسپتال نیپا منتقل کردیا گیا ، جہاں مریضوں کے نمونے حاصل کیے جا رہے ہیں۔
گزشتہ ماہ بھی کراچی کے جناح انٹرنیشنل ائیرپورٹ پر لیبیا سے کراچی پہنچنے والے 3 مسافروں میں منکی پاکس کی تشخیص ہوئی تھی ، جس پر تینوں مسافروں کومحکمہ صحت ٹیموں نے گھر جانے سے روک دیا گیا تھا۔
ذرائع محکمہ صحت کا کہنا تھا کہ تینوں مسافر لیبیاسےڈی پورٹ ہوکرکراچی پہنچے تھے، مسافروں کےجسم پرسرخ دانے،منکی پاکس کی علامات تھیں۔
اس سے قبل اگست میں منکی پاکس کے مریض کو صحتیابی پر اسپتال سے ڈسچارج کردیا گیا تھا ، منکی پاکس مریض عمرہ ادائیگی کر کے اسلام آباد ایئرپورٹ پہنچا تھا۔
