مسلم لیگ ن کے رہنما خواجہ آصف کا کہنا ہے کہ ایک دوسرے کے خلاف بیانات دینا الیکشن کا کلچر ہوتا ہے، الیکشن کے بعد سیاسی حریف اتحادی بن جاتے ہیں۔
مسلم لیگ ن کے رہنما خواجہ آصف نے اپنے بیان میں کہا کہ الیکشن میں ایک دوسرے کے خلاف بیانات دینا نئی بات نہیں، الیکشن کا کلچر ہوتا ہے ایک دوسرے کےخلاف بیانات دیں، لوگ بعد میں بھول جاتے ہیں، اور الیکشن کے بعد سیاسی حریف اتحادی بن جاتے ہیں۔
خواجہ آصف کا کہنا تھا کہ ن لیگ قومی اسمبلی میں اکثریت حاصل کرے گی، ایسی حکومت بننی چاہئے جس میں قومی اتفاق رائے ہو، لوگوں میں ہیجانی کیفیت بڑھ گئی ہے، مرہم رکھنے کی ضرورت ہے، میری کسی سے کوئی دشمنی نہیں، وقت آگیا ہے سب مل کر بیٹھیں۔
