پاکستان میں سونے کی قیمتوں میں اضافے کا رجحان برقرار ہے، جہاں آج بھی فی تولہ سونے کی قیمت میں 2 ہزار روپے کا اضافہ ریکارڈ کیا گیا ہے۔
آل پاکستان جیمز اینڈ جیولرز کے مطابق اضافے کے بعد فی تولہ سونے کی قیمت بڑھ کر 4 لاکھ 72 ہزار 862 روپے تک پہنچ گئی ہے، جو مقامی مارکیٹ میں سونے کی بڑھتی ہوئی قیمتوں کی عکاسی کرتی ہے۔
اسی طرح دس گرام سونے کی قیمت میں بھی 1714 روپے کا اضافہ ہوا ہے، جس کے بعد دس گرام سونا 4 لاکھ 5 ہزار 402 روپے میں فروخت ہو رہا ہے۔
واضح رہے کہ ملک میں رواں سال کے دوران اب تک فی تولہ سونے کی قیمت میں مجموعی طور پر 2 لاکھ 262 روپے کا اضافہ ہو چکا ہے، جس سے صارفین اور سرمایہ کاروں میں تشویش پائی جا رہی ہے۔
