پاک بھارت کشیدگی: پاکستان کے مختلف شہروں میں فضائی آپریشن بند، پاکستان ریلوے میں سیکیورٹی ہائی الرٹ

پاک بھارت کشیدگی کے بعد پاکستان نے مختلف شہروں میں فضائی آپریشن بند کر دیا جب کہ پاکستان ریلوے میں بھی سیکیورٹی کو ہائی الرٹ کر دیا گیا۔

سول ایوی ایشن اتھارٹی (سی اے اے) کے مطابق لاہور، راولپنڈی، سیالکوٹ، پشاور اور ملتان میں فضائی آپریشن بند کر دیا گیا ہے اور اندرون اور بیرون ملک جانے والی پروازیں روک دی ہیں۔

ذرائع کے مطابق موجودہ صورتحال کے پیش نظر پاکستان ریلوے نے بھی سیکیورٹی ہائی الرٹ کر دی۔ ریلوے حکام نے بھی ملک بھر میں ریلوے پولیس سیکیورٹی کو ہائی الرٹ رہنے کی ہدایت کر دی ہے۔

پاک بھارت کشیدگی کے باعث فضائی آپریشن بند اور ریلوے کی سیکیورٹی ہائی الرٹ کی گئی ہے۔

واضح رہے کہ پاک بھارت کشیدگی کی وجہ سے سرحدوں کی دونوں جانب جنگی طیاروں کی پروازیں جاری ہیں۔

گزشتہ روز بھارت نے پاکستان کی فضائی حدود کی خلاف ورزی کی تھی اور پاکستانی طیاروں کی آمد کے بعد اپنا پے لوڈ گرا کر فرار ہو گئے تھے۔