پنجاب کے دیگر شہروں سمیت راولپنڈی میں بھی ینگ ڈاکٹرز نے ہڑتال ختم کردی۔
پنجاب حکومت کی جانب سے ایم ٹی آئی ایکٹ کے نفاذ کے حوالے سے بات چیت میں پیش رفت پرپنجاب کے دیگر شہروں سمیت راولپنڈی میں بھی ینگ ڈاکٹرز نے ہڑتال ختم کردی۔ جس کے بعد تینوں الائیڈ اسپتالوں ہولی فیملی اسپتال، ڈسٹرکٹ ہیڈ کوارٹرزاسپتال اور بے نظیر بھٹو اسپتال میں اوپی ڈی سروسز بحال کردی گئیں ہیں۔
سرکاری اسپتالوں میں ڈاکٹروں کی ہڑتال سے مریضوں اور لواحقین کوشدید پریشانی کا سامنا رہا تاہم اب ینگ ڈاکٹرز کے ساتھ ینگ نرسز اور پیرامیڈیکل سٹاف نے بھی کام شروع کردیا ہے۔
واضح رہے کہ راولپنڈی کے تینوں بڑے سرکاری اسپتالوں میں 9 روزتک اوپی ڈی سروسزبند رہیں۔
