بنگلا دیش پریمیئر لیگ (بی پی ایل) کے آئندہ سیزن میں پاکستان کے 11 کرکٹرز میدان میں اتریں گے، جنہیں لیگ کی نیلامی کے دوران فرنچائزز نے منتخب کیا یا بعد ازاں معاہدوں کے ذریعے ٹیموں میں شامل کیا گیا۔
پاکستانی کرکٹر خواجہ نافع اور صفیان مقیم رنگپور رائیڈرز کا حصہ بن گئے ہیں، جبکہ صاحبزادہ فرحان، محمد نواز، جہانداد خان اور راج شاہی وارئیرز کی ٹیم میں شامل ہیں۔
اسی طرح احسان اللہ اور حیدر علی نوکخالی ایکسپریس کے اسکواڈ میں شامل کیے گئے ہیں۔ عثمان خان ڈھاکا کیپٹلز اور اسپنر ابرار احمد چٹاگانگ رائلز کی ٹیم میں شامل ہیں۔ صائم ایوب اور محمد عامر اس بار سلہٹ ٹائٹنز کی نمائندگی کریں گے۔
واضح رہے کہ بنگلا دیش پریمیئر لیگ 26 دسمبر سے شروع ہونے کا امکان ہے، اور اس بار بھی پاکستانی کرکٹرز لیگ میں مرکزی کردار ادا کرتے نظر آئیں گے۔
