پی ٹی آئی انتخابی نشان سے متعلق فیصلہ الیکشن کمیشن کا اہم اجلاس آج ہوگا

اسلام آباد پی ٹی آئی کو انتخابی نشان کی الاٹمنٹ سے متعلق پشاور ہائی کورٹ کے فیصلے پرمشاورت کے لئے الیکشن کمیشن کا اہم اجلاس آج ہوگا۔

تفصیلات کے مطابق الیکشن کمیشن کا اہم اجلاس آج ہوگا، جلاس چیف الیکشن کمشنرسکندرسلطان راجہ کی سربراہی میں الیکشن کمیشن سیکریٹریٹ میں ہوگا۔

اجلاس میں کمیشن کےچاروں ممبران اوراسپیشل سیکرٹریز شرکت کریں گے، کمیشن پشاورہائی کورٹ کےفیصلے پرآج مشاورت کرے گا۔

ذرائع کا کہنا تھا کہ الیکشن کمیشن کالاونگ کمیشن کوپشاورہائیکورٹ فیصلےسےمتعلق قانونی نکات پربریفنگ دے گا۔

یاد رہے گزشتہ روز پشاور ہائیکورٹ نے الیکشن کمیشن کا فیصلہ معطل کرکے پی ٹی آئی کا انتخابی نشان بلا بحال کرنے کا حکم دیا تھا، عدالت نے الیکشن کمیشن کو نوٹیفکیشن ویب سائٹ پر اپلوڈ کرنے کا بھی حکم دیا تھا۔

عدالت کا کہنا تھا کہ الیکشن کمیشن پارٹی سرٹیفکیٹ الیکشن ایکٹ 2017 کے شق 209 کے تحت شائع کرے اور آرٹیکل 215 کے تحت الیکشن کمیشن پی ٹی آئی کوانتخابی نشان’’بلا‘‘الاٹ کرے۔

تاہم پی ٹی آئی کےانتخابی نشان سےمتعلق پشاورہائیکورٹ کا فیصلہ آئےاٹھارہ گھنٹےگزرگئے، الیکشن کمیشن نےتاحال پی ٹی آئی کےانتخابی نشان ’’بلے‘‘کانوٹیفکیشن جاری نہ کیا۔

واضح رہے الیکشن کمیشن نے 22 دسمبر کو پی ٹی آئی انٹرا پارٹی انتخابات کالعدم قرار دیا تھا۔