معروف اداکارہ صبا قمر نے کراچی میں رہنے کومشکل قراردے دیا۔
صباقمرنے حال ہی میں کراچی میں طویل عرصے تک رہنے کے اپنے تجربات پر کھل کر بات کرتے ہوئے اپنی مایوسی کا اظہار کیا اورمزاحیہ انداز میں کہاکہ کراچی میں رہنے کا، دو دن کا، ایک ہفتے کا مذاق ٹھیک ہے،لیکن تین ماہ کا مذاق ٹھیک نہیں ہے۔
اداکارہ نے شہر کے موسم اور آلودگی کی طرف اشارہ کرتے ہوئے مزید کہا کہ بال اتر چکے ہیں، جلد خراب ہوگئی ہے، میں بھنگن لگ رہی ہوں۔
معروف اداکارہ کے اس بیان کے بعد مداحوں کے درمیان کراچی کے موسم، آلودگی اور طرزِ زندگی کے چیلنجز پرایک بحث چھڑ گئی ہے۔
صبا قمرنے مزید کہا کہ کراچی کا ماحول ان کی جلد اور بالوں پر بہت بھاری پڑا ہے، اور وہ اس سے تنگ آچکی ہیں۔
صبا نے اپنی بات کو مزاحیہ رنگ دیتے ہوئے کہا کہ جب وہ گھر واپس پہنچیں تو گھر والوں نے انہیں پہنچانے سے انکار کرتے ہوئے کہا کہ بہن تم کون ہو؟
اداکارہ کے اس بیان پر مداحوں نے مختلف آرا دی ہیں، کچھ صارفین نے ان سے اتفاق کرتے ہوئے کہا ہے کہ کراچی کا موسم واقعی مشکل ہے، جبکہ کچھ نے ان کے الفاظ کو مبالغہ آرائی قرار دیاہے.
ایک صارف نے لکھاکہ صبا قمر نے بالکل درست کہا ہے، کراچی کا موسم جلد اور بالوں کے لیے بہت نقصان دہ ہے، دوسرے نے کہایہ صرف ایک اداکارہ کا ڈرامہ ہے، کراچی میں لاکھوں لوگ رہتے ہیں اور انہیں کوئی مسئلہ نہیں ہوتا۔
