کراچی میں آج موسم کی صورتحال میں تبدیلی متوقع ہے، جہاں محکمہ موسمیات نے شہر بھر میں تیز ہواؤں کے ساتھ گرج چمک اور وقفے وقفے سے بارش کی پیشگوئی کی ہے، جبکہ بعض اوقات بارش کی شدت معتدل رہنے کا امکان ظاہر کیا گیا ہے۔
محکمہ موسمیات کے مطابق بارش کے اس سلسلے کے بعد جمعہ سے شہر میں سردی کی شدت میں اضافہ متوقع ہے، جس کے باعث موسم مزید سرد محسوس کیا جا سکتا ہے اور درجہ حرارت میں نمایاں کمی واقع ہو سکتی ہے۔
محکمہ موسمیات نے بتایا ہے کہ آئندہ دنوں میں شہر کا کم سے کم درجہ حرارت 7 ڈگری سینٹی گریڈ تک گرنے کا امکان ہے، جبکہ زیادہ سے زیادہ درجہ حرارت 25 ڈگری سینٹی گریڈ تک رہ سکتا ہے۔
محکمہ موسمیات کے مطابق آج شہر میں کم سے کم درجہ حرارت 13.5 ڈگری سینٹی گریڈ ریکارڈ کیا گیا ہے، جبکہ ہوا میں نمی کا تناسب 84 فیصد ہے، جو بارش کے امکانات کو مزید مضبوط بناتا ہے۔
