اشتہار
بہت جلد آئی فون کے اندر گوگل کا تیار کردہ جیمنائی آرٹی فیشل انٹیلی جنس (اے آئی) انجن موجود ہوگا۔
ایپل اور گوگل کے درمیان آئی فونز میں جیمنائی اے آئی انجن شامل کرنے کے لیے بات چیت چل رہی ہے۔
رپورٹ میں بتایا گیا کہ ایپل نے مائیکرو سافٹ سے بھی اس کے تیار کردہ ماڈل کو استعمال کرنے کے بارے میں مذاکرات کیے تھے۔
واضح رہے کہ مائیکرو سافٹ کا اے آئی ماڈل اوپن اے آئی کے تیار کردہ چیٹ جی پی ٹی پر مبنی ہے۔
ایپل کی جانب سے آئی فونز کے لیے نیا آئی او ایس 18 آنے والے مہینوں میں متعارف کرایا جائے گا جس میں کمپنی کے اپنے تیار کردہ اے آئی ماڈلز کا بھی استعمال کیا جائے گا۔
فروری 2024 میں ایپل کے چیف ایگزیکٹو ٹم کک نے کہا تھا کہ ان کی کمپنی کی جانب سے رواں سال کسی وقت جنریٹیو اے آئی کے حوالے سے منصوبوں کو واضح کیا جائے گا۔
